Вышэйшая школа эканомікі

Нацыянальны даследчы ўніверсітэт «Вышэйшая школа эканомікі» (НДУ ВШЭ)
Адзін з будынкаў ВШЭ — былая сядзіба Дурасавых на Пакроўскім бульвары
Міжнародная назва	Higher School of Economics - National Research University
Дэвіз	лац.: Non scholae sed vitae discimus руск.: Не для школы, а для жизни мы учимся бел.: Не для школы, а для жыцця мы вучымся
Заснаваны	1992
Тып	дзяржаўны
Рэктар	Я. І. Кузьмінаў
Прэзідэнт	А. М. Шохін
Студэнты	31 900 (на 2017 год)
Бакалаўрыят	23 462
Магістратура	7 641
Аспірантура	800
Дактары	544
Выкладчыкаў	2 652 (на 2017 год)
Краіна	Расія
Размяшчэнне	Расія, Масква
Юрыдычны адрас	Мясніцкая вуліца, 20
Сайт	hse.ru
Медыяфайлы на Вікісховішчы

Нацыянальны даследчы ўніверсітэт «Вышэйшая школа эканомікі» (НДУ ВШЭ) — адзін з вядучых расійскіх універсітэтаў, мае кампусы ў Маскве, Санкт-Пецярбургу, Ніжнім Ноўгарадзе і Пермі. Афіцыйна пачаў працу 27 лістапада 1992 года.

Часта ўжываюць афіцыйнае скарачэнне — НДУ ВШЭ. Таксама сярод студэнтаў і супрацоўнікаў універсітэта нярэдка выкарыстоўваецца неафіцыйнае скарачэнне — «Вышка».

Удзельнік Праекта 5-100 (Праект павышэння канкурэнтаздольнасці вядучых расійскіх універсітэтаў сярод вядучых сусветных навукова-адукацыйных цэнтраў).

Гісторыя

Вышэйшая школа эканомікі была створана 27 лістапада 1992 года..

У 1996 годзе Вышэйшая школа эканомікі стала Дзяржаўным універсітэтам (ДУ-ВШЭ).

У 2008 годзе Вышэйшая школа эканомікі перайшла з вядзення Мінэканамразвіцця Расіі ў распараджэнне Урада Расійскай Федэрацыі..

У 2009 годзе Вышэйшая школа эканомікі на конкурснай аснове атрымала статус нацыянальнага даследчага ўніверсітэта.

У 2010 годзе ў НДУ ВШЭ была адкрыта першая ў Расіі акадэмічная аспірантура поўнага дня.

У 2012 годзе ў склад НДУ ВШЭ ўвайшлі Маскоўскі дзяржаўны інстытут электронікі і матэматыкі (МІЭМ) і дзве ўстановы дадатковай прафесійнай адукацыі — Навучальны цэнтр падрыхтоўкі кіраўнікоў і Дзяржаўная акадэмія спецыялістаў інвестыцыйнай сферы (ДАСІС).

У НДУ ВШЭ дзейнічае 128 навукова-даследчых інстытутаў і цэнтраў, 36 навукова-навучальных і праектна-навучальных лабараторыі, 32 міжнародныя лабараторыі пад кіраўніцтвам вядучых замежных навукоўцаў, 39 адукацыйных праграм у Маскве, 10 адукацыйных праграм у Санкт-Пецярбургскім кампусе, 9 — у Ніжагародскім і 6 праграм — у Пермскім, і ваенная кафедра.

У НДУ ВШЭ, станам на 1 кастрычніка 2016 года, навучалася больш за 31 тысячу студэнтаў, з якіх амаль 22 тысяч навучаліся ў Маскве.

Станам на 1 верасня 2016 года, у НДУ ВШЭ працуюць 2 652 выкладчыкі і 840 навуковых супрацоўнікаў. Ва ўніверсітэце рэалізуецца праграма вяртання расійскіх даследчыкаў, якія абаранілі доктарскія дысертацыі (Ph.D.) у заходніх ВНУ.

У НДУ ВШЭ з 1993 года дзейнічае двухузроўневая так званая балонская сістэма адукацыі — чатыры гады бакалаўрыята і два гады магістратуры.

З дня заснавання ў 1992 годзе рэктар НДУ ВШЭ — Я. І. Кузьміноў, прэзідэнт — А. М. Шохін, навуковы кіраўнік — Я. Р. Ясін.

30 лістапада 2016 года выпускнік факультэта эканомікі НДУ ВШЭ Максім Арэшкін быў прызначаны міністрам эканамічнага развіцця Расійскай Федэрацыі.

18 мая 2018 года выпускнік магістратуры «Стратэгічнае кіраванне» НДУ ВШЭ Канстанцін Наскоў быў прызначаны міністрам лічбавага развіцця, сувязі і масавых камунікацый Расійскай Федэрацыі, стаўшы другім членам Урада Расіі, які скончыў гэты ўніверсітэт.

Структура

Галаўны ўніверсітэт

• Факультэт камп'ютарных навук
  • Дэпартамент аналізу даных і штучнага інтэлекту
  • Дэпартамент вялікіх даных і інфармацыйнага пошуку
  • Дэпартамент праграмнай інжынерыі
• Факультэт сацыяльных навук
  • Дэпартамент дзяржаўнага і муніцыпальнага кіравання
  • Дэпартамент палітычнай навукі
  • Дэпартамент псіхалогіі
  • Дэпартамент сацыялогіі
  • Інстытут дэмаграфіі
• Факультэт гуманітарных навук
  • Школа гістарычных навук
  • Школа філалогіі
  • Школа лінгвістыкі
  • Школа культуралогіі
  • Школа філасофіі
  • Дэпартамент замежных моў
  • Інстытут гуманітарных гісторыка-тэарэтычных даследаванняў імя А. В. Палятаева
  • Інстытут класічнага Усходу і антычнасці
• Факультэт бізнесу і менеджменту
  • Школа бізнес-інфарматыкі
  • Школа лагістыкі
  • Школа бізнесу і дзелавога адміністравання
• Факультэт камунікацый, медыя і дызайну
  • Дэпартамент медыя
  • Дэпартамент інтэграваных камунікацый
  • Школа дызайну
• Факультэт матэматыкі
• Факультэт фізікі
• Факультэт сусветнай эканомікі і сусветнай палітыкі
  • Школа ўсходазнаўства
  • Дэпартамент сусветнай эканомікі
  • Дэпартамент міжнародных адносін
  • Базавая кафедра «Аўтапрамімпарт»
• Факультэт права
• Факультэт эканамічных навук
  • Аддзяленне эканомікі
  • Аддзяленне статыстыкі, аналізу даных і дэмаграфіі
  • Аддзяленне «Сумесны бакалаўрыят ВШЭ і РЭШ»
• Міжнародны інстытут эканомікі і фінансаў
• Факультэт даўніверсітэцкай падрыхтоўкі
• Банкаўскі інстытут
• Вышэйшая школа ўрбаністыкі
• Інстытут менеджменту інавацый
• Маскоўскі інстытут электронікі і матэматыкі
  • Дэпартамент камп'ютарнай інжынерыі (былы факультэт інфармацыйных тэхналогій і вылічальнай тэхнікі)
  • Дэпартамент прыкладной матэматыкі (былы факультэт прыкладной матэматыкі і кібернетыкі)
  • Дэпартамент электроннай інжынерыі (былы факультэт электронікі і тэлекамунікацый)

Санкт-Пецярбургскі філіял

• Санкт-Пецярбургская школа эканомікі і менеджменту
  • Дэпартамент эканомікі
  • Дэпартамент фінансаў
  • Дэпартамент менеджменту
  • Дэпартамент лагістыкі і кіравання ланцугамі паставак
  • Дэпартамент прыкладной матэматыкі і бізнес-інфарматыкі
• Санкт-Пецярбургская школа сацыяльных і гуманітарных навук
  • Дэпартамент усходазнаўства і афрыканістыкі
  • Дэпартамент дзяржаўнага адміністравання
  • Дэпартамент гісторыі
  • Дэпартамент прыкладной паліталогіі
  • Дэпартамент сацыялогіі
  • Дэпартамент філалогіі
• Юрыдычны факультэт

Ніжагародскі філіял

• Факультэт эканомікі
• Факультэт менеджменту
• Факультэт права
• Факультэт інфарматыкі, матэматыкі і камп'ютарных навук
• Факультэт гуманітарных навук

Пермскі філіял

• Факультэт эканомікі, менеджменту і бізнес-інфарматыкі
• Дэпартамент эканомікі і фінансаў
• Сацыяльна-гуманітарны факультэт
• Вячэрне-завочны факультэт эканомікі і кіравання
• Факультэт прафесійнай перападрыхтоўкі
• Факультэт даўніверсітэцкай падрыхтоўкі

Падраздзяленні дадатковай адукацыі

• Інстытуты, школы і цэнтры дадатковай і бізнес-адукацыі НДУ ВШЭ.
• У 2012 годзе для развіцця кірунку дадатковай адукацыі і прафперападрыхтоўкі да ВШЭ была далучана акадэмія ДАСІС.
• Вышэйшая Школа Эканомікі ў Маскве вяла актыўнае супрацоўніцтва з Школай Фінансаў імя Дуйсенберга пра прадастаўленне праграм магістратуры з падвойным дыпломам аднабаковага парадку.

Навуковыя выданні

ВШЭ выдае больш 20 навуковых часопісаў, сярод якіх:

• Вопросы образования (бел.: Пытанні адукацыі);
• Вопросы государственного и муниципального управления (бел.: Пытанні дзяржаўнага і муніцыпальнага кіравання);
• Вестник международных организаций; (бел.: Веснік міжнародных арганізацый)
• Мир России (бел.: Свет Расіі);
• Форсайт (бел.: Фарсайт);
• Демоскоп Weekly (бел.: Дэмаскоп Weekly);
• Корпоративные финансы (бел.: Карпаратыўныя фінансы);
• Экономическая социология (бел.: Эканамічная сацыялогія);
• Экономический журнал ВШЭ (бел.: Эканамічны часопіс ВШЭ).

Асноўныя часопісы, уключаючы і электронныя, уключаны ў спіс ВАК.

Спасылкі

• На Вікісховішчы ёсць медыяфайлы па тэме Вышэйшая школа эканомікі
• Афіцыйны сайт